Olla, Maluk Seasonal Worker sira hotu iha Australia!
Hanesan ita hotu hatene, servisu iha Australia mak oportunidade boot ida ne’ebé ita no ita nia família hakarak atinji tanba bele ajuda fali ekonomia iha Timor-Leste. Maibé, prosesu ida ne’e la fasil. Dala barak, ita hasoru presaun husi servisu fatin, família no kolega sira. Ida ne’e bele halo ita senti mesak, estress, depresaun, ka trauma. Presaun ne’e bele fo impaktu ladiak ba ita nia servisu, toba no relasaun no mos bele halo ita desmotiva atu kontinua servisu.
Novidade Diak!Agora ita la mesak. PRADET dadaun oferese atendementu akonselamentu online no offline ba maluk traballadór Timor oan sira ne’ebé servisu iha Australia, no mos ba sira nia família (ferik oan/katuas oan, inan/aman, bin/maun, banin no seluk) ne’ebé hakarak espresa hanoin no sentimentu sira.
Iha akonselamentu, ita bele ko’alia livre hodi hakmaan sentimentu sira ne’ebe mak mensiona iha leten.
Se hakarak halo apontamentu, bele kontaktu direto ka liu husi WhatsApp ba numeru ne’ebé aneksu
