Baucau, 15-09-2025. Psychosocial Recovery and Development East Timor (PRADET) fatin Hakmatek Baucau, fasilita refresaun treinamentu ba benifisiariu husi Programa Empoderamentu Sosiu Ekonómiku (SEEP), hamutuk sanolu resin lima durante loron-ida iha rejiaun Leste hanesan Baucau, Lautém no Viqueque.
Tamba ne’e PRADET fatin hakmatek Baucau kontinua halo akompañamentu benifisiáriu sira no refresaun treinamentu hodi aumenta koñesementu, alende ne’e mós benifisiariu sira bele aprezenta dejafius hodi buka solusaun nune’e bele dezenvolve sira nia atividade.
”Treinamentu refreska ne’e atu sira relembra matéria antes formasaun primeiru kona-ba matérial saida mak sira uza iha atividade negósiu bele apar no difikuldade saida mak sira hetan fahe ba kolega no aprezenta ka fahe ba malu hodi fó solusaun ba preokupasaun sira ne’e, benefisiaria sira ne’e rasik kompostu husi municipio tolu hanesan Municipio Baucau,Lautem,no Viqueque hamutuk nain 13 feto nain 12 no mane nain 1 Liu husi atividade refere Hetan participa husi Presidente Autoridade Municipio de Baucau nia Reprezenta Diretor Estrategico Municipio Baucau Sr.Francisco Xavier Guterres no mos Diretor CSSM Baucau Sr.Clementino Sarmento . nune’ebe mos hetan fasilita husi Parseiru Mikro Kreditu Finance KAEBAUK.
Lia fuan Badak husi Husi PAM Baucau nia reprezenta Liu husi Diretor, Sr.Francisco, ba partisipante hotu Apresia tebes ba parseiru PRADET hanesan Sociedade Sivil ida ne’ebe maka servisu maka’as ona hodi apoiu servisu Governu nian hodi hakbi’it inan feton sira ne’ebe kbi’t la to’o hodi hadia sira nia moris dala ruma parte governu nia forsa lato’o atu haree ba parte hirak ne’e maibe Pradet bele ajuda ona Parte servisu Governu nian iha Municipio Baucau nune’e mos nia husu ba Benefisiaria sira hotu atu tane no kuidadu buat ne’ebe mak PRADET apoiu ona hodi hadia sira nia moris.
Lia Fuan Badak husi Diretor CSSM Municipio Baucau Sr Clementino katak PRADET Hanesan Parseiru diak ida husi Governu Liu husi Ministerio Solidariedade Social ne’ebe maka sempre servisu hamutu ho MSSI liu liu CSSM Municipio Baucau ne’ebe sempre apoiu maka’as iha servisu social nian hodi reforsa ka hakbi’it inan feton sira ne’ebe mak hetan violensia hodi apoiu liu husi atividade negosiu ne’ebe kada tinan sempre apoiu ho nune’e husi MSSI Municipio Baucau agradese tebes ba PRADET liu husi servisu maka’as bele apoiu ona komunidade sira ne’ebe maka presiza ema seluk nia tulun.
Benifisiariu Egilda Maria do Rego agradese ba PRADET nia programa Empoderamentu Sosiu Ekonomiku (SEEP), tamba apoiu fundus hodi halo atividade negosiu inklui kapasitasaun hodi dezenvolve liu tan negosiu nune’e sustenta ba nesesidade familia no selu oan sira nia eskola.
”Hau sente orgullu tebes apoiu naton ne’e hodi atende ba nesesidade uma laran no formasaun ne’e bele aumenta koñesementu hodi aumenta hau nia kios nafatin, no sai grasa ba ida, ba hau hodi apoi ba hau nia oan sira,” dehan Benifisiária.
Iha atividade refresaun treinamentu ne’e PRADET fatin uma hakmatek Baucau, reajudus mos benifisiariu na’in haat hodi aumenta atividade.
Enkuantu, husi tinan 2018 to’o tinan 2025 PRADET liu husi programa empoderamentu sosiu ekonomiku (SEEP) apoiu ona kliente hamutuk 168.
