Iha loron 19 – 23 Agostu 2024, Jerente Programa hamutuk ho Ekipa Teknika Social Economic Empowerment Program (SEEP) iha Fatin Hakmatek Baucau realiza atividade vizita ba benefisiariu sira ne’ebé hetan apoia atividade negosiu kiik ne’ebe suporta husi programa SEEP iha Fatin Hakmatek Baucau. Vizita ne’e kovre benefisiariu feto nain 13 husi munisipiu Baucau nain 6, Vique-que nain 3 no Lautem nain 4. Objetivu husi vizita ne’e atu haree progresu, rezultadu, impaktu no dezafiu sira relasiona ho implementasaun atividade negosiu kiik husi benefisiaria sira. Tipu atividade ne’ebé konsege observa mak kios nain 10, soru tais 1 no fa’an obralan 2. Iha opurtunidade ne’e, ekipa konsege hasoru malu ho benefisiariu ne’ebé foin simu apoia iha fulan Junu, 2024 hamutuk ema nain 6, tinan 2023 nain 2, tinan 2022 nain 2 no tinan no 2019 nain 3. Observasaun hatudu katak benefisiariu sira ne’ebé foin simu apoia fulan ida liu iha tinan 2024 implementa ona sira nia atividade no iha progresu no impaktu tempu badak ne’ebé pozitivu tebes ba sira nia mudansa psikolojiku no fiziku. Ekipa nota mudansa psikolojiku hanesan hanesan kontente, ativu, no oin fresku kompara ho kondisaun antes. Mudansa ne’e akontese gradualmente tanba sira iha ona rendimentu hodi sosa aihan no responde ba ona oan sira nia presiza lor-loron nian. Iha parte seluk, benefisiariu ne’ebé simu suporta iha tinan anterior, iha ona kbiit hodi responde nesesidade bazika, halo ona diversifikasaun ba negosiu no envolve iha grupu feto rai no empresta iha ne’ebe kontribui ba suporta oan ba eskola, sosa material ba konstrusaun uma foun, reabilita no sosa uma tomak. sira nia kondisaun fiziku no psikolojiku saudavel tebes no fiar an. Apoia negosiu kiik ne’e finansia husi Doador DIMES no fasilita husi PRADET.
