Iha fulan Junnu 2024, Malaysia Chapter Association for Contextual Behavioural Science (ACBS) fasilita formasaun tekniku ba staff PRADET konaba Dialectical Behavioural Therapy (DBT) no Acceptance Commitment Therapy (ACT) “Terapia hahalok no maneira aseitasaun”. Objetivu husi formasaun ne’e maka atu haklean liutan konesementu tekniku ba staff tekniku (kaunselor) sira nian, nune’e staff sira bele iha tan abilidade barak hodi fo prestasaun servisu no atendementu psikolojia nebe diak no qualidade ba maluk kliente sira ho problema psikolojia nebe presisa tulun. Formasaun tekniku ne’e hala’o durante loron 3 no fasilitador sira kompostu husi “Psikiater nain 3 no Psikologa nain 1”
Formasaun tekniku ne’e fasilita gratuitamente husi Malaysia Chapter Association for Contextual Behavioural Science (ACBS) ba staff tekniku sira iha PRADET nune’e bele presta servisu diak no professional liutan ba maluk komunidade vulnerable nebe presisa tulun iha Timor-Leste.
