Iha loron Kuarta ferira, 07 Juñu 2023, PRADET reprezenta hosi Program Manager no Team Leader PAMM (Programa Asistensia Moras Mentál) no Cordenador FH-Oecuse realiza enkontru ho delegasaun servisu saude regiaun Oecuse ne’ebé kompostu hosi Adj. Diretora SS-RAEOA, sefe departamentu NCD, Pontu vokal WHO , no Responsavel Saúde Mentál. Objetivu hosi enkontru ne’e mak PRADET-PAMM aprezenta planu atividade sira ne’ebé sei kolabora no suporta servisu saude regiaun Oecuse ba asistensia moras mental ba komunidade iha RAEOA ba periodu Jullu 2023 -June 2024. Alende ne’e rona mos dezafius no problema sira ne’ebé relasiona ho atendementu servisu saude mental iha RAEOA durante ne’e no ba futuru saida mak PRADET no Servisu Saude RAEOA bele kolabora no apoiu malu ba atendementu integradu ne’ebé diak liu tan ba komunidade RAOEA ne’ebé sofre moras mental.
Remata iha enkontru ne’e Adj. Diretor servisu saude RAEOA hatoo Nia agradesementu barak tebes ba parseria PRADET ne’ebé iha ona hanoin no vontade di’ak liu husi apoiu fundus hosi (Parseria dezenvolviemntu Umanu) PHD bele ekstende tan ona nia atividade asistensia moras mental mai iha RAEOA hodi servisu hamutuk ho ami hodi fo atendementu integradu ba komunidade ne’ebé sofre moras mental iha komunidade. Ami mos kontente tebes atu kolabora liu-liu servisu tekniku liu hosi responsavel saúde mentál ba implementasaun planu atividade sira ne’e tuir planu ne’ebé iha ona.
