PRADET hamutuk ho Ministériu da Saúde, Ministério Solidariedade Social E Inclusão no Organizasaun Membru Efetivu 10 Asina Termu Aseitasaun Estabelesimentu Sekretariadu Steering Committee Servisu Integradu Intervensaun Saúde Mentál no Apoiu Psikososiál iha Komunidade
Iha loron Tersa feira 03-Setembru-2024 PRADET Timor hamutuk ho Ministério da Saúde, Ministerio Solidariedade Social e Inclusào no organizasaun membru efetivu 10 seluk asina termu aseitasaun no aprovasaun ba estabelesimentu sekretariadu steering committee servisu integradu intervensaun saúde mentál no apoiu psikososiál iha komunidade no eventu ne’e hala’o iha salaun enkontru MTC Caicoli, Dili.
Objetivu husi estabelesimentu sekretariadu steering committee ne’e atu reforsa no asegura implementasaun Planu Asaun Nasional Saude, spesifikamente Planu Estratejiku Saude Mental liu-husi implementasaun Padraun Operasional no Prosedimentu integradu referral saude mental no apoio psikososial iha komunidade hodi tane a’as valores no prinsipiu direitus umanus ema ho problema saúde mentál bazea ba lei no regras sira ne’ebé aplikabel no haforsa komitmentu parseirus hotu ba intervensaun maximu ba servisu saude mental iha Timor Leste.
Partsipante ne’ebé partisipa hamutuk 42 kompostu husi Ministeriu da Saúde, Ministerius Sosiedade Social, organizasaun internasional WHO, PHD no organizasaun nasional no local sira hanesan; Acbit, Asosiasaun Juventude Luta Hamutuk ba Futuru Saude Timor Leste, Asosiasaun Profisionais Psikologia de Timor Leste (ASPPTL), Hospitalaria Sagrado Coração de Jejus (HSCJ), Fundação Ordem Hospitalaria São João de Deus.
